Marc Montes deth Club CEVA, artenhec era 3au posicion en campionat d’Espanha U18, en 21au TOP CAEI quatau pròva dera 34au liga Catalana ABS e puntuable entara Copa Espanha CIT, disputada aguesta dimenjada en Baqueira Beret.
Per d’auta part, Lisa Vallcorba deth Club CEVA, artenhec aguesta dimenjada era 1èra posicion ena 7au edicion deth Gran Prèmi Espot Esquí, organizada peth Espot Esquí Club, a on an concorrut corredors dera categoria U16.
Es esportistes dera categoria U14 se dèren cita en 26au Trofèu Club Esquí Terrassa ena Masella. Ena pròva, organizada peth Club Esquí Terrassa, participèren es corredors deth CEVA, Tomás Barata, 7au en gigant masculin, e Eugenia Brotons, 8au en gigant femenin.
Anna Esteve Bieto deth Club CEVA en Campionat deth Mon Junior FIS d’Esquí Aupin
Anna Esteve Bieto, esquiaira deth Club CEVA, participe des d’aguest deluns en Campionat deth Mon Junior FIS d’Esquí Aupin que se celebrarà en Are (Suècia), deth 6 ath 14 de març de 2017. Eth Campionat deth Mon Junior FIS d’Esquí Aupin ei un des eveniments de maximal nivèu esportiu enes espòrts d’iuèrn.
Hònt: Club CEVA