Es hondistes aranesi Lydia Iglesias (ANEC) e Roger Espinet (CAEI) seleccionats entà disputar es Copes OPA

deseme 10, 2015 Cabecera, Notícies, Slider

• Deth 4 ath 6 de deseme ena zòna d’Orri de Beret, se realizèren es tèsts entà seleccionar as representants espanhòus enes Jòcs Olimpics de Joenessa (YOG) e enes pròplèus Copes Continentaus OPA d’esquí de hons.

• Es aranesi Lydia Iglesias der ANEC e Roger Espinet deth CAEI acompanharàn ara rèsta de seleccionadi e a Imanol Rojo enes sòns pròplèus eveniments per Euròpa.

RFEDI_HONS

  Foto: RFEDI

 

Pendent tres dies era Real Federación Española Deportes de Invierno (RFEDI) amassa damb es Centres de Tecnificacion de Catalonha e Aragon e es federacions basques e navarresa, organizèren un conjunt de tèsts entà provar as hondistes espanhòus e seleccionar as melhors pr’amor que participen enes YOG (Jòcs Olimpics de Joenessa) e qu’acompanharàn ara equipa nacionau enes Copes Continentaus OPA de deseme.

Un totau de 22 hondistes, tretze gojats e nau gojates des categories cadet, júnior I e II e sub 23 se concentrèren en Beret entà disputar-se era plaça pes YOG e es diferentes Copes OPA.

Es tèsts se disputèren en Orri, ua zòna que coneishen es hondistes donques qu’acostume a èster en traçat dera Marxa Beret que se hè annauments e qu’ath delà enguan serà sedença des Campionats d’Euròpa de Marches Populares d’Esquí de Hons FIS Euroloppet.

Eth diuendres se diputèc eth Sprint e eth dissabte s’amièren a tèrme es 5km e es 10km estil patinador des categories femenines e masculines, respectivaments. Eth dimenge, es distàncies se mantengueren, mès en estil classic.

Eth president dera RFEDI, er aranés May Peus España, present enes seleccions destaquèc era qualitat deth circuit mercat ena part d’Orri pes equipes de preparacion de pistes dera estacion aranesa e avalorèc era professionalitat des tecnicians e era coordinacion des entrenadors des Centres de Tecnificacion e grops de competicion des diferentes Federacions Autonomiques presentes. E expliquèc qu’era RFEDI a iniciat enguan un programa de seguiment damb mès de 40 dies d’entrenament complementari as des Centres de Tecnificacion. Se sage de dar impuls as CT e que poguen desvolopar programes mès ambiciosi e arribar en corbir reauments era sua parcella en sistèma esportiu.

 

  • CALENDARI OPA a on participaràn es hondistes aranesi, Lydia Iglesias e Roger Espinet:

12-13 de deseme Prémanon (França)

18-20 de deseme St. Ulrich (Àustria)

Comments are closed.