Er aranés, Pòl Tellosa, 4au d’Espanha e 16au d’Euròpa, s’a quedat as pòrtes dera finau.

Es riders dera Val d’Aran, Abel Moga e Julian Puras, an estat seleccionadi coma es melhors esportistes ena disciplina de Freeride e participaràn ena finau mondiau que se realizarà ena estacion de Krappel (Àustria).

Es riders formen part dera seccion de competicion de Freeride dera Escòla e club d’esquí Emotion e pòrten mès de 10 ans damb eth sòn entrenador Cristian Boiria.

Er aranés, Abel Moga (17 ans), finalizèc tresau deth mon ena Freeride Junior World Championship aguest 2018, ua competicion qu’amasse as melhors riders de tot eth mon a ua batalha d’ua baishada, eth melhor se proclame campion.

Julian Puras (16 ans), eth mès joen dera equipa, comencèc a hèr concurréncia est an passat e se proclamèc campion d’Espanha.

Cau destacar eth bon papèr d’un aute rider d’Emotion, Pòl Tellosa (17 ans), 4au d’Espanha e 16au d’Euròpa, que s’a quedat as pòrtes dera finau.

Vos deisham eth vidèo dera finau d’est an passat:

Vielha, 9 de noveme de 2018

Conselh Generau d’Aran: Núria Sanjuan

Hònt e Fotos: Escòla e club d’esquí Emotion