Es membres deth COE visiten era Val d’Aran

Vielha, 26 de gèr de 2018.- Pòqui dies abans de que comencen es JJ.OO e paralimpics d’iuèrn 2018 de Pyeongchang en Corèa deth sud, ua vintea de membres deth Comitat Olimpic Espanhòl visitaràn era Val d’Aran pendent tres dies deth 29 eth 31 de gèr.

Eth dimars dia 30 de gèr pendent era visita ara Val d’Aran que tanben i participaràn eth president dera RFEDI e membre deth comitat executiu deth COE, May Peus, e eth secretari generau der Espòrt dera Generalitat, Gerard Figueras, es membres deth COE se desplaçaràn enquiara estacion d’esquí de Baqueira Beret a on ath delà de visitar es installacions, mantieràn ua amassada damb es compausants deth CETEI (Centre de Tecnificacion d’Espòrts d’Iuèrn dera Val d’Aran), acompanhadi peth vicesindic d’Aran, Luís Carlos Medina e pera conselhèra de Torisme e Desvolupament Economic, Anna Díaz.

Pera tarde eth sindic d’Aran, Carlos Barrera, aufrirà ua recepcion oficiau ara representacion deth COE ena sedença deth Conselh Generau d’Aran, que se desplaçaràn dempús entath pòble d’Unha entà visitar eth Musèu dera nhèu, a on s’amiarà a tèrme un acte de reconeishement as esportistes olimpics aranesi.

 

Foto: COE

Comments are closed.