• Aguesti positius corresponen a persones que s’infectèren setmanes endarrèr, qu’an creat anticòssi e ja non pòden transméter era malautia

A trauès des test rapids serologics e des analitiques immunologiques per tecnica ELISA que se realizen en Espitau Val d’Aran, s’an cofirmat enquiath moment sèt naui casi positius en COVID-19.

Des 7 positius, tres corresponen a pacients qu’en sòn moment presentauen ua clinica compatibla damb eth COVID-19 mès que, segontes es protocòls vigents alavetz, non èren susceptibles de realizar-les ua pròva PCR. Es quate restants s’an detectat a trauès des test serologics rapids que s’amien a tèrme entre es professionaus sanitaris e essenciaus.

Pendent aguestes setmanes se seguissen realizant aguestes pròves e ei possible qu’eth nombre de postius aumente. Totun ei de besonh rebrembar qu’aguestes persones ja an superat era malautia e, per tant, an creat anticòssi e non an risc de contagiar a d’auti.