• Deth 7 ath 17 d’agost era Deputacion de Lhèida tanben arturarà es òbres entà non interferir en desvolopament abituau des hèstes locaus dera zòna e dera activitat toristica

• Era accion en aguesta carretèra eliminarà es viratges barradi e es fòrti desnivèus que caracterizen er actuau traçat

Foto d’archiu deth passat mes d’abriu a on eth sindic d’Aran, Carlos Barrera, e eth president dera Deputacion de Lhèida, Joan Reñé, anoncièren es òbres de melhora dera carretèra de Vilamòs.

Era Deputacion de Lhèida a informat qu’eth pròplèu 6 d’agost finalizarà totes es voladures per amplament e melhora deth tram de 1.200 mètres dera carretèra LV-5055, que junh era N-230 damb Vilamòs.

Egalaments, deth dia 7 d’agost ath ser enquiath maitin deth 17 d’agost s’arturaràn es trabalhs de melhora d’aguesta carretèra entà per’mor de non interferir en desvolopament abituau dera activitat d’ostiu, que coïncidís tanben aguesti dies damb es hèstes locaus dera zòna.

Es òbres de melhora e aishamplament dera carretèra de Vilamòs, que compden damb un pressupòst de 704.309€, supausaràn era eliminacion der actuau traçat que se caracterize pes fòrti desnivèus e nombrosi viratges barradi.

Era carretèra dispausarà d’ua naua cauçada de 6 mètres d’amplada constanta, mès ua cuneta circulabla peth costat dera montanha d’un mètre d’amplada addicionau.