Es dies 14, 15 e 16 de deseme, se disputarà eth Campionat d’Espanha absolut de Patinatge Artistic e Sincronizat de gèu ena pista Lobete de Logroño.

An estat convocadi patinadors des categories Senior, Junior e Novice Advanced, enes modalitats: individuau, parelhes e dança.

Eth Club d’Espòrts de Gèu Val d’Aran (CEGVA) i serà representat pes patinadores Griselda e Georgina Serrallach que participaràn ena categoria Junior e per Lucía Sánchez qu’ac harà ena categoria Novice Advanced.

Aué diuendres 14 se disputaràn es programes cuerti de Novice e Parelhes des des 14:00 enquiàs 21:00 ores.

Eth dissabte15, aurà lòc es programes longui Novice e Parelhes, atau coma es programes cuerti en categoria, Dança, Junior e Senior, des des 10:30 enquias 20:00 ores.

Eth dimenge 16, des des 11:30 enquiàs 18:00 ores auràn lòc es programes liures en Junior, Senior, Dança, e Patinatge Sincronizat.

Entàs 19:30 ores i aurà lòc era Gala d’ Exibicion de Campions e a on tanben i participarà eth campion deth mon, Javier Fernández.

Vielha, 14 de deseme de 2018

Conselh Generau d’Aran: Núria Sanjuan

Hònt e fotos: CEGVA