• Aguest concèrt, celebrat pendent eth Pònt dera Constitucion ena Glèisa de Mijaran, siguec organizat peth Conselh Generau d’Aran, er Ajuntament de Vielha e Mijaran e era AECC ena Val d’Aran dera man dera associacion Aran Teatre. Era totalitat des ingrèssi requectadi dera venda d’entrades a anat destinada ara Associacion Contra eth Càncer en territòri, entara sensibilizacion, prevencion e investigacion deth càncer e en tot afavorir es campanhes e actuacions qu’era AECC amie a tèrme en Aran.

Era sindica d’Aran, Maria Vergés, a recebut aguest maitin ath president dera Associacion Contra eth Càncer en Lleida (AECC), Sisco Maranges, damb qui an tractat ahèrs relacionadi damb era associacion en territòri, coma eth donatiu de 1.986 € qu’eth Conselh Generau d’Aran e er Ajuntament de Vielha e Mijaran an realizat ara AECC ena Val d’Aran damb motiu deth concèrt de gòspel benefic amiat a tèrme eth passat 8 de deseme.

Aguest concèrt solidari ei organizat en marc deth convèni de collaboracion entre era maxima institucion aranesa, eth consistòri e era AECC en Aran e era totalitat des ingrèssi dera venda d’entrades va destinada ara Associacion entara sensibilizacion, prevencion e investigacion deth càncer, en tot afavorir es campanhes e actuacions qu’era AECC amie a tèrme en territòri d’Aran.

Eth Conselh Generau d’Aran collabòre a trauès de d’auti convènis damb era Associacion, en tot contribusir as colònies qu’era AECC organize en Aran de hè mès de 20 ans e requectar es sòs artenhudi des inscripcions ara Corsa dera Hemna entà donar-les ara associacion, collaborant atau damb ua entitat tant importanta e que balhe supòrt as pacients oncologics e as sues familhes ena Val d’Aran.

Vielha, 26 de gèr de 2023