Eth Conselh Generau d’Aran aportarà 45.000€ ar Ajuntament deth Naut Aran entara conservacion e manteniment des camins, sendèrs e pistes forestaus

Eth Conselh Generau d’Aran a signat un convèni de collaboracion damb er Ajuntament deth Naut Aran a on eth Govèrn d’Aran aportarà eth 50% dera quantitat justificada per Ajuntament de Naut Aran entara conservacion e manteniment des pistes forestaus, camins e sendèrs deth sòn tèrme municipau, enquia un maxim de 45.000 € anuaus.

 

 

Eth sindic d’Aran, Carlos Barrera, e eth baile der Ajuntament deth Naut Aran, César Ruiz-Canela, an signat un convèni a on eth Conselh Generau d’Aran se compromet a finançar era conservacion e manteniment des camins, sendèrs e pistes forestaus deth tèrme municipau de Naut Aran, d’acòrd damb es apartats següents:

1. Eth Conselh Generau d’Aran aportarà eth 50% dera quantitat justificada per Ajuntament de Naut Aran entara conservacion e manteniment des pistes forestaus deth sòn tèrme municipau, enquia un maxim 25.000 € anuaus entar exercici 2018.

2. Eth Conselh Generau d’Aran aportarà eth 50% dera quantitat justificada per Ajuntament de Naut Aran entara conservacion e manteniment des camins e sendèrs deth sòn tèrme municipau, enquia un maxim 20.000 € anuaus entar exercici 2018.

César Ruiz-Canela, baile der Ajuntament deth Naut Aran, a manifestat: “Entà poder actuar d’ua forma mès efisenta e rapida ath dauant de possibles besonhs, er Ajuntament de Naut Aran sollicitèc ath Conselh Generau er establiment d’ua linha de collaboracion que permete era realizacion des accions de conservacion e manteniment des des camins, sendèrs e pistes forestaus deth tèrme municipau de Naut Aran de forma dirècta per part der Ajuntament, damb ua collaboracion economica anuau per part deth Conselh Generau”.

Eth Conselh Generau d’Aran, coma organ de Govèrn d’Aran, a signats convènis de collaboracion entath condicionament deth Camin Reiau, es cabanes, coms, camins forestaus plaçadi enes Montes d’Utilitat Publica dera pertinença de totes es entitats que conformen eth municipi deth Naut Aran.

En paraules deth sindic d’Aran, Carlos Barrera: “Eth Conselh Generau d’Aran a realizat pendent es ans 1998–2017 es actuacions de besonh, en collaboracion damb er Ajuntament de Naut Aran, entara conservacion e manteniment des camins, sendèrs e pistes forestaus deth tèrme municipau de Naut Aran”.

Barrera a hijut: “En favor der interès generau e des vesins deth Naut Aran, ei de besonh establir aguest mecanisme de collaboracion entara conservacion e manteniment des camins, sendèrs e pistes forestaus deth tèrme municipau de Naut Aran”.

 

 

 

 

 

 

Vielha, 30 de junhsèga de 2018

 

Conselh Generau d’Aran: Núria Sanjuan

Comments are closed.