• Es persones e entitats que desvolòpen pendent aguest an 2022 ena Val d’Aran activitats relacionades damb es encastres de lengua e cultura, espòrts o diuèrsi airaus coma er ensenhament, joenessa, miei ambient o er ambit sociau, entre d’auti, pòden presentar es sues sollicituds enquiath 30 de junh d’enguan

Eth Conselh Generau d’Aran a dubèrt dejà era convocatòria entà sollicitar es subvencions qu’autrèje cada an enes encastres de Lengua e Cultura, Espòrts e d’auti airaus (foment der ambit sociau, ensenhament, joenessa, miei ambient o promocion toristica).

Es persones o entitats interessades en sollicitar aguestes ajudes pòden consultar tota era informacion e ramplir es es sues sollicitus a trauès dera plana web deth Conselh Generau d’Aran. Eth termini de presentacion de sollicituds finalize eth dia 30 de junh de 2022.

Er àmbit temporau d’execucion des activitats qu’agen o vagen a realizar en aguesti encastres e pes quaus volguen demanar aguestes subvencions ei comprenut entre er 1 de gèr de 2022 e eth 31 de deseme de 2022.