Eth Conselh Generau d’Aran e era Deputacion de Lhèida acòrden reforçar e ampliar eth sòn convèni de collaboracion

  • Eth sindic d’Aran e eth conselhèr de Governacion e deputat provinciau s’an amassat damb eth president dera Deputacion entà barrar era renovacion e ampliacion d’aguest convèni e establir d’autes collaboracions en matèria de patrimòni e sanitat

Eth sindic d’Aran, Francés Boya, e eth conselhèr de Governacion deth Conselh Generau d’Aran e deputat provinciau, Amador Marqués, s’an amassat virtuaument damb eth president dera Deputacion de Lhèida, Joan Talarn, tà barrar er acòrd entara renovacion, reforçament e ampliacion deth convèni marc entre andues institucions.

Eth conselhèr Marqués s’a mostrat plan satisfèt damb aguest acòrd que: “non ei sonque era renovacion d’un convèni, senon qu’auem artenhut reforçar e ampliar era collaboracion damb era Deputacion en matèria de foment dera lengua, promocion economica, torisme e patrimòni”.

Aguest convèni marc entre andues institucions, qu’a ua dotacion pressupostària de 220.000 euròs annaus e concretarà es compromisi mutuaus tàs pròplèu 4 ans, s’aprovarà en plen dera Deputacion d’aguest mes de junh.

Marqués explique que: “mès enlà dera renovacion e ampliacion deth convèni, s’a artenhut un ajut especific entara restauracion deth patrimòni e un aute entath renauiment der equipament medic der Espitau Val d’Aran, qu’anaram concretant enes pròplèu setmanes”, e hig que: “aguesta estreta collaboracion damb era Deputacion ei frut deth supòrt que dèrem as pressupòsti de 2020”.

Comments are closed.