Eth Conselh Generau d’Aran siguec present en es actes de commemoracion deth Centenari pera mòrt der illustre poèta occitan Frederic Mistral que se celebrèren en Barcelona.
Es actes sigueren:
– Aufrena florau ena estatua de Frederic Mistral en Montjuic
– Recepcion per part dera Universitat de Barcelona
– Recepcion per part dera Generalitat de Catalunya en Palai Moja
– Recepcion en Ajuntament de Barcelona.
En es actes i eren presents Ferran Mascarell, conseller de Cultura dera Generalitat de Catalunya, Ester Franquesa, directora de Politica Lingüistica dera Generalitat de Catalunya, Jacques Mouttet, capolier deth Felibritge, Enric Canela, vicerector dera Universitat de Barcelona, Rosa Maria Lloret, Conxa Planas e José Enrique Gargallo, professors dera Universitat de Barcelona, Núria Bayó, presidenta deth CAOC, Gabriel Brun, sindic dera Manteneça Languedoc-Rousilhon deth Felibritge, Joaquim Llimona, director d’Ahèrs Exteriors der Ajuntament de Barcelona, Josep Lluís Alay, director de Patrimòni, Musèus e Archius der Ajuntament de Barcelona e Carles Sala, der Institut de Cultura der Ajuntament de Barcelona. Per part deth Conselh Generau d’Aran, i assitic eth sòn cap de Cultura e Patrimòni, Jèp de Montoya.
Jèp de Montoya, soslinhèc eth moment important que viu era nòsta lengua damb era creacion dera Academia der Institut d’Estudis Aranesi, en tot víuer un moment similar ara amassada des sèt felibres en Castèth de Fontsegunha en an 1854 en tot cercar er òrgan de referéncia entara lengua.