• Deuant deth risc d’un rebròt dera malautia, eth govèrn deth Conselh Generau d’Aran rebrembe qu’ei de besonh contunhar aplicant mesures preventives entà evitar naui contagis per COVID-19

Pr’amor dera situacion que viu era Val d’Aran en aguesta fasa 0 de desescalada dera crisi deth COVID-19, eth govèrn deth Conselh Generau d’Aran vò rebrembar es recomanacions des autoritats sanitàries ara ora de realizar gessudes:

• Es persones que gesquen tath carrèr damb mascareta an de portar-la ben metuda (a de caperar boca e nas) e non manipular-la pendent era gessuda.
• Ei de besonh respectar tostemp era distància de seguretat de 2 mètres.
• Cau evitar crear aglomeracions de persones.
• Pr’amor qu’ena Val d’Aran non i a franges oràries, cau sajar de dar prioritat, enes ores de major afloéncia, as persones granes enes camins e passegi mès transitadi.

Cau rebrembar qu’ei de besonh respectar es normes establides pes autoritats competentes n’aguesta desescalada entà evitar un nau rebròt de contagis de COVID-19 en territòri.