• Eth govèrn d’Aran a renauit e ampliat enguan aguesti convènis de patrocini, en tot balhar supòrt economic a Aymar Navarro, Alex Puente, Marta Céster, Abel Moga, Maria Iglesias, Samuel Beso, Alex Dedieu e Jara Beso enes sues carrères esportives e promocionar atau era Val d’Aran coma destinacion esportiva de referéncia a nivèu internacionau
Eth govèrn deth Conselh Generau d’Aran torne a renauir, un an mès, es sòns convènis de patrocini damb diuèrsi esportistes d’elèit deth territòri: Aymar Navarro, Alex Puente, Marta Céster, Abel Moga, Maria Iglesias, Samuel Beso, Alex Dedieu e Jara Beso, entà balhar-les supòrt economic enes sues carrères esportives e promocionar atau era Val d’Aran coma destinacion esportiua a nivèu internacionau.
“Deth govèrn deth Conselh Generau d’Aran ençà destinam enguan 28.000€ en aguesti convènis pr’amor que volem balhar-les as esportistes aranesi eth nòste supòrt entà que contunhen artenhent exits ena sua trajectòria esportiva, frut d’un gran esfòrç, dedicacion e comprmís” explicaue era sindica d’Aran, Maria Vergés, en tot híger que: “per miei d’aguesti convènis, promocionen era Val d’Aran coma destinacion esportiva a nivèu internacionau, çò qu’ei tot un orgulh entath nòste territòri”.
Atau madeish, eth conselhèr d’Espòrts, Amador Marqués, apuntaue que: “mès enlà d’aguesti convènis de patrocini, ei de besonh rebrembar qu’eth Conselh Generau d’Aran compde tanben damb ua linha d’ajudes destinada as esportistes estudiants dera Val d’Aran, ua bèca dirigida a joeni esportistes d’entre 12 e 22 ans que cerque motivar era contunhitat dera sua carrèra esportiva ath viatge que seguissen damb es sòns estudis”.
Enguan, es convènis de patrocini s’an ampliat a naui esportistes deth territòri e se n’an renauit de d’auti:
Aymar Navarro Combalié, esquiador professionau “freeride” de categoria internacionau World Freeride Tour (WFT/WFQ) çò que li permet participar en pròves nacionaus e internacionaus de prumèr nivèu peth mon.
Alex Puente Tasias, esquiador professionau d’esquí aupin de categoria internacionau çò que li permet tanben participar en pròves nacionaus e internacionaus de prumèr nivèu per tot eth mon.
Marta Céster Farré, esquiadora professionau d’esquí de hons de categoria internacionau çò que li permet participar en pròves nacionaus e internacionaus de prumèr nivèu per tot eth mon.
Abel Moga Carracedo, esquiador professionau “freeride” de categoria internacionau World Freeride Tour (WFT/WFQ) çò que li permet participar en pròves nacionaus e internacionaus de prumèr nivèu peth mon.
Maria Iglesias Barés, esquiadora professionau d’esquí de hons de categoria internacionau çò que li permet participar en pròves nacionaus e internacionaus de prumèr nivèu per tot eth mon.
Samuel Beso Godoy, esquiador professionau d’esquí aupin de categoria internacionau çò que li permet tanben participar en pròves nacionaus e internacionaus de prumèr nivèu per tot eth mon.
Alex Dedieu Rodríguez, esquiador professionau “freeride” de categoria internacionau World Freeride Tour (WFT/WFQ) çò que li permet participar en pròves nacionaus e internacionaus de prumèr nivèu peth mon.
Jara Beso Godoy, esquiadora professionau d’esquí aupin de categoria internacionau çò que li permet tanben participar en pròves nacionaus e internacionaus de prumèr nivèu per tot eth mon.
Vielha, 7 de noveme de 2022