Eth Conselh Generau d’Aran recep eth reconeishement pera recuelhuda selectiva de veire pendent er an 2014, autrejat pera ARC

Tonho-Boya

Er 1 de junhsèga de 2015 se celebrèc en Palau Robert de  Barcelona, era ceremònia de reconeishement as melhors resultats ena recuelhuda selectiva de residus entàs diferentes fraccions des residus municipaus pendent er an 2014.

Er objectiu  dera Agéncia de Residus de Catalonha (ARC) ei premiar e reconéisher es melhors resultats ena recuelhuda selectiva totau, tàs fraccions organiques: veire, papèr e carton e envasi laugèrs, per mesura deth municipi o comarca.

D’aguesta manera se vò reconéisher eth trabalh desvolopat en benefici dera recuperacion de residus e, per tant, per tant  redusir era dependéncia des sistèmes finalistes -incineracion e tarcumèrs-.

Tanben se preten animar as auti municipis e comarques entà que continuen auançant tà obtier boni resultats.

En apartat de comarques capdauantères subergés era  Val d’Aran coma eth territòri a on  se recuelh mès veire de forma selectiva, damb un percentatge de 47 kg/abitant e an.

Eth conselhèr de Territòri deth Conselh Generau d’Aran, Sr. Antonio Boya, recebec , en nòm deth Conselh, era distincion e reconeishement autrejadi pera Agéncia de Residus de Catalonha de mans deth sòn director, Sr. Josep M Tost.

Cau nomentar qu’era Val d’Aran a estat eth solet territòri dera demarcacion de Lhèida en recéber ua distincion laguens d’aguest  acte  de reconeishement as melhors trabalhs de recuelhuda selectiva der an 2014.

Comments are closed.