Eth Conselh Generau d’Aran se hig ath programa Reempresa

  • Aguest programa facilite eth traspàs d’enterpreses que, per manca de relèu generacionau o d’auti problèmes, an de barrar e aufrís era oportunitat as reemprenedors de començar un negòci sense es dificultats que compòrte hè’c des de zèro

Eth Conselh Generau a acuelhut aué era presentacion deth programa Reempresa, plataforma que facilite era compra-venta de petites e mejanes enterpreses que son dejà en foncionament.

Eth govèrn d’Aran, coma membre deth Centre de Reempresa de Catalunya (frut der acòrd entre eth consòrci GLOBALLEIDA e era patronau Cecot) dispause ara d’un punt d’atencion des deth quau s’aufrís assessorament en tot eth procés de compra-venta entà garantir era continuitat des enterpreses en territòri, en tot aufrir assessorament tant as empresaris que cedissen era empresa coma as persones reemprenedores que vòlen dar-les continuitat.

“Eth Conselh Generau a creat un airau de promocion economica pr’amor que pensam qu’ère quauquarren fòrça de besonh en territòri”, explique eth conselhèr d’Economia, Torisme e Promocion economica, Juan Antonio Serrano. Que hig que: “Reempresa ei un sistèma molt interessant entà Aran pr’amor que permet qu’empreses qu’an foncionat tostemp non agen de barrar se non trapen un relèu generacionau e, ath còp, aufrís era oportunitat as reemprenedors de daurir un negòci sense er esfòrç que compòrte hè’c des de zèro”.

Comments are closed.