• Es persones que volguen se pòden inscríuer dejà, mès cau rebrembar qu’es places son limitades e per orde d’inscripcion

Dejà ei dubèrta era preinscripcion online entàs corsi d’aranés 2022-2023 deth Conselh Generau d’Aran, adaptadi as diferents nivèus.

“Aguestes classes d’aranés representen un esturment fòrça important entà mantier viua era lengua, normalizar-la e apropar-la as persones nauvengudes o aqueres que volguen ampliar es sòns coneishements”, afirme era sindica d’Aran, Maria Vergés.

Es persones que volguen se pòden inscríuer dejà, mès rebrembam qu’es places son limitades e per orde d’inscripcion. Un còp realizada era prematricula, se receberà un corrèu electronic en quau s’includirà eth numerò de compde bancari entà realizar eth pagament dera matricula e es classes començaràn a compdar deth 3 d’octobre.

Es oraris variaràn segontes eth nivèu:

• Nivèu A1 (presenciau): es dimars de 18:00 a 20:00 ores ena Escòla Garona (Vielha).

• Nivèu A1 (online): es dijaus de 18:00 a 20:00 ores.

• Nivèu A2 (on line): es dimars de 18:00 a 20:00 ores.

• Nivèu B1 (on line): es deluns de 19:00 a 21:00 ores.

• Nivèu B2 (presenciau): es dijaus de 18:00 a 20:00 ores ena Escòla Garona (Vielha).

• Nivèu B2 (on line): es dijaus de 18:00 a 20:00 ores.

• Nivèu C1 (on line): es dimars de 18:00 a 20:00 ores.

Eth prètz generau dera matricula ei de 52 euròs, entath personau dera administracion eth prètz ei de 26 euròs, e era matricula serà de franc entàs estudiants empadronadi en Aran, e es persones en situacion de caumatge o jubilades. Entà totes es tarifes redusides serà de besonh aportar justificant.

Dejà pòs realizar era tua preinscripcion en ligam:   https://forms.gle/wwfZhY5SGCyLSUhQ7

Rebremba qu’es places son limitades per orde d’inscripcion!

Vielha, 15 de seteme de 2022