• Entà commemorar aguest dia s’an organizat diferentes activitats tà toti es publics pendent era setmana deth 2 ath 8 de març

Eth pròplèu dimenge 8 de març se celèbre eth Dia Internacionau dera Hemna e eth govèrn deth Conselh Generau d’Aran a premanit un ampli ventalh d’activitats entà commemorar aguest dia tan destacat.

Pendent tota era setmana (deth 2 ath 8 de març) era Bibliotèca Generau de Vielha acuelherà era exposicion fotografica Hemnes trabalhadores en Aran, visibilizant as invisibles, dera Associacion pera Igualtat en Aran. Era inauguracion aurà lòc deluns tàs 17:30 e era exposicion se poderà visitar pendent era setmana, en orari abituau dera bibliotèca.

Eth 5 de març, tàs 18:00 ores en Musèu dera Val d’Aran de Vielha, aurà lòc era conferéncia Dones sàvies, a cargue de Teresa Vinyoles e, ara seguida, se presentarà eth vidèu musicau “Hemnes coma tu”.

Eth 6 de març tàs 9:15 ores deth maitin, es alumnes de 2au, 3au e 4au dera ESO gaudiràn dera òbra de teatre “Princesas”, que trabalhe era igualtat de genre, ena sala Era Audiovisuau de Vielha. Tàs 19:00 ores, ena madeisha sala, aurà lòc era estrea deth vidèu commemoratiu deth Conselh Generau d’Aran e, ara seguida, era presentacion dera pellicula documentau Chhaupadi, dera alpinista Edurne Pasaban.

Eth 6 e 7 de març se poderàn realizar es inscripcions presenciaus dera Corsa dera Hemna, e aurà lòc tanben era entrèga de dorsaus e samarretes.

Eth 8 de març se celebrarà era 7au edicion dera Corsa dera Hemna, ua corsa populara de 5 km pes carrèrs de Vielha que se poderà realizar en tot córrer o caminar. Enguan, coma nauetat, es participants ad aguest acte poderàn gaudir d’un vermut musicau e dera session musicau de DJenka qu’amenizarà er acte.