Eth Conselh Generau participe en projècte Prometheus entà promòir es hèstes deth huec deth Pirenèu

  • Er objectiu d’aguest projècte ei crear esturments formatius entà ampliar eth coneishement des halhes, haros e brandons dera zòna

Era conselhèra de Coneishement, Angelina Cases, siguec present eth passat dia 29 de gèr ena presentacion deth projècte europèu “Prometheus” (INTERREG POCTEFA), qu’a coma objectiu promòir eth coneishement des halhes, haros e brandons des Pirenèus.

Eth projècte Prometheus prevé era creacion d’esturments formatius entara educacion formau, atau coma materiaus divulgatius tà un public generau, entre eri, era creacion d’un musèu virtuau e eth desvolopament d’a app entath mobil.

Eth dia anterior ad aguesta presentacion, dejà s’auie mantengut ua amassada ena Universitat de Lleida damb eth grop de trabalh deth projècte ena que tanben i participèren tecnics deth Conselh Generau d’Aran.

Aguest projècte ei liderat pera Universitat de Lleida (UdL), en collaboracion damb era Universitat de Barcelona (UB), era Université de Perpignan Via Domitia, eth Centre Interrégional de Développement de l’Occitan (CIRDOC), era Generalitat de Catalunya, eth Govern d’Andorra, eth Conselh Generau d’Aran e era Diputació de Lleida.

Comments are closed.