Vielha, 9 d’agost de 2017.-  Eth CSD (Consejo Superior de Deportes) a concedit ua subvencion de 29.952,20 € entàs activitats esportiues que desvolòpe eth CETEI (Centre de Tecnificacion d’Espòrts d’Iuèrn) Val d’Aran.

Era subvencion s’autrege enes diferentes modalitats esportiues: Esquí Aupin Adaptat, Esquí de Hons Adaptat e Snowboard Adaptat (Persones damb Paralisi Cerebrau e Discapacitat Fisica): 12.458,87 €.

Esquí Aupin Adaptat, Esquí de Hons Adaptat e Snowboard Adaptat (Persones damb Paralisi Cerebrau e Discapacitat Fisica): 8.147,92 €.

Espòrts d’Iuèrn (Esquí Aupin): 9.345,41 €.

Eth vicesindic d’Aran e conselhèr d’espòrts, Luís Carlos Medina, a manifestat qu’aguesta ei ua gran notícia tas esportistes dera Val d’Aran que da responsa as esfòrci que hè eth Conselh Generau d’Aran, donques atau se recupère eth finançament des programes de Tecnificacion e Pre-Tecnificacion deth CETEI Val d’Aran, e represente un nau impuls entà qu’es esportistes aranesi poguen nodrir es prumères equipes des diferentes modalitats esportiues e arribar a concórrer, coma en d’auti viatges, en uns Jòcs Olimpics e Paralímpics d’iuèrn.