S’a realizat ua jornada informativa adreçada a empresaris e consumidors aranesi entà explicar era aplicacion deth Còdi de Consum e era gestion des reclamacions transfronterères damb eth govèrn francés.

Alfons Conesa, director dera ACC, a mantengut ua reünion de trabalh damb era conselhèra de Torisme, Comèrç e Consum, Anna Díaz. Dempús dera reünion s’a realizat ua jornada informativa adreçada a empresaris e consumidors dera zòna sus era aplicacion deth Còdi de Consum de Catalunya, es requisits qu’an de complir es establiments per çò qu’ei des drets des persones consumidores, e sus era gestion des reclamacions transfronterères damb eth govèrn francés.

En paraules dera conselhèra de Torisme, Comèrç e Consum, Anna Díaz “er objectiu dera visita a estat conéisher de prumèra man es besonhs deth nòste territòri e hèr seguiment des accions e es prètzhèts en matèria de consum que realize eth Conselh Generau d’Aran, qu’a transferides es competéncies de Consum.”