• Er acte de presentacion deth Plan de Govèrn amiat ager ena tarde, en que se detalhèren, per departaments, quines son es actuacions e politiques a implementar enes pròplèu 4 ans, respon ara volontat deth govèrn d’Aran de balhar compde des sues actuacions, dar a conéisher es sòns objectius e apropar era institucion as persones

• Toti aqueri que non poderen assistir tar acte, pòden recuperar era presentacion en canal oficiau de YouTube deth Conselh Generau d’Aran: https://youtube.com/live/nzuGo69Qsos

Eth govèrn deth Conselh Generau d’Aran amiec a tèrme ager ena tarde era presentacion deth sòn Plan de Govèrn entàs pròplèu quate ans, un acte dubèrt ath public, que siguec tanben retransmetut en dirècte e que respon ara volontat deth govèrn d’Aran de balhar compde des sues actuacions, dar a conéisher es sòns objectius e apropar era institucion as persones.

“Deth govèrn d’Aran ençà impulsam es nòsti projèctes e politiques ath torn de tres èishi estrategics: era atencion as persones, eth desvolopament territoriau e era consolidacion der autogovèrn aranés”, apuntaue era sindica d’Aran, Maria Vergés, ena sua intervencion, en tot híger que: “amiam a tèrme aguesta presentacion coma un exercici de transparéncia damb era nòsta ciutadania e perque volem tanben méter en valor era institucion”.

En aguest acte, se detalhèren, per departaments, quines son es actuacions e politiques a implementar enes pròplèu 4 ans entà impulsar economica e sociaument era Val d’Aran.

Totes es persones que non podessen assistir ara presentacion, pòden recuperar-la e consultar toti es ahèrs que s’i tractèren en canal oficiau de YouTube deth Conselh Generau d’Aran: https://youtube.com/live/nzuGo69Qsos