Vielha, 9 de gèr de 2017.- Aué tàs 13,05 ores, eth  Servici de Pompièrs  deth Conselh Generau d’Aran a comonicat que eth huec deth Solan de Garòs se trape en fase de control. Se procedís a retirar deth parçan toti es efectius e quedaran en lòc ua dotacion de pompièrs de guardia, atau coma un elicòpter d’extincion.

Eth totau dera superficie afectada ei de 430 ectarees, totes eres de matarràs e pastures de montanha.

Eth sindic d’Aran, Carlos Barrera vò agrair expresament a toti es servicis implicadi, tant dera Val d’Aran, damb es sòns tres parcs de pompièrs de Vielha, Bossòst e Les, coma as dera Generalitat de Catalunya, damb efectius dera region de Lleida e es grups d’actuacion foreastau (GRAF), era sua dedicacion e profesionalitat  entà  afrontar aguest  episòdi.