Eth president deth Comitè Olimpic Espanhòl visite era Val d’Aran

  • Eth president deth COE, Alejandro Blanco, aufrirà aguest dissabte, 13 de noveme en Palai d’Espòrts de Vielha, era conferéncia “Er olimpisme coma motor de desvolopament territoriau”, que compdarà damb era preséncia d’alcaldes e representants deth Pirenèu catalan e aragonés

Eth Conselh Generau d’Aran, en representacion des Consells Comarcals de l’Alta Ribagorça, Pallars Sobirà, Pallars Jussà, Alt Urgell e La Cerdanya, es Comarques de Ribagorza, Sobrarbe, Alto Gállego e Jacetania, e es Deputacions de Girona, Barcelona, Zaragoza e Huesca, organize eth pròplèu 13 de noveme entàs 12:00 ores, en Palai d’Espòrts de Vielha, era conferéncia “Er olimpisme coma motor de desvolopament territoriau”, a cargue deth president deth Comitè Olimpic Espanhòl, Alejandro Blanco.

Entara sindica d’Aran, Maria Vergés, era visita deth president deth COE ara Val d’Aran “ei ua bona oportunitat entà conéisher què pòt aportar er olimpisme ath desvolopament sociau e economic deth nòste territòri e volem arregraïr ath senhor Blanco qu’age aceptat impartir aguesta conferéncia en Vielha”.

Cau rebrembar qu’eth Conselh Generau d’Aran aprovèc eth passat 10 de seteme per unanimitat ua mocion institucionau a favor dera candidatura olimpica entàs jòcs d’iuèrn de 2030.

Comments are closed.