Dempús dera grana capitada dera edicion inaugurau deth darrèr an, eth dissabte, dia 9 d’agost, se celebrarà era 2au edicion dera Ultra Trail Val d’Aran, que recorrerà bona part dera geografia aranesa. Entad aguesta edicion s’a organizat un recorregut exigent dividit en 3 distàncies: 17km, 47km e 99 km.

Es amants deth running e dera natura poderàn gaudir de grani pòrts de montanha, e era ascension, entre d’auti, a ua des montanhes mès mitiques dera Val d’Aran: Eth Montarto.

Programa:

-Diuendres 8 d’agost: Recuelhuda de dorsaus en Salardú de 17h00 a 20h30.
– Dissabte 9 d’agost: Recuelhuda de dorsaus de totes es pròves, zòna de gessuda de 06h30 a 07h15.

Gessudes per modalitats des de Salardú:

– Ultra Trail: 07h00
– Trail: 07h30
– Short Trail: 08h00

Entà mès informacion:

ultratrailvaldaran.blogspot.com.es

“Ei un aunor entara Val d’Aran poder compdar per dusau an damb un eveniment esportiu deth nivèu dera ULTRAIL. Dempús dera bona acuelhuda qu’auec est an passat, e era grana experiéncia que supausèc entara Val d’Aran, mos alegram que mos agen escuelhut un aute viatge entà realizar un eveniment d’aguesta magnitud”, comente eth conselhèr d’Espòrts d’Aran, Marcos Viló.