Era jornada, finançada peth projècte europèu POCTEFA DESIR, ei ua des entre 18 e 20 serades que se haràn en refugis des Pirenèus pendent er ostiu e era tardor de 2026. Aguestes activitats an coma objectiu apropar as visitants eth patrimòni naturau e culturau dera sarralada a trauès de prepauses de sensibilizacion ambientau, mediacion culturau e experiéncies artistiques.

Eth refugi dera Honeria siguec eth prumèr refugi dera Val d’Aran qu’acuelhec ua des serades «Cita als Cims», ua iniciativa que combine ua degustacion de productes de proximitat damb espacis de dialòg sus es valors e es rèptes dera montanha, amassa damb ua experiéncia escenica basada en relats, imatges e paisatges sonòrs inspiradi en patrimòni pirenenc.

Eth projècte POCTEFA DESIR, deth quau eth Conselh Generau d’Aran ei sòci, trabalhe entà afavorir era transicion ecologica des refugis de montanha, promòir es bones practiques entre es sues persones usatgères e méter en valor eth patrimòni naturau, culturau e uman des Pirenèus a trauès dera cooperacion transfronterèra.

Eth projècte DESIR a estat cofinançat en un 65 % pera Union Europèa a trauès deth Programa Interreg VI-A Espanha-França-Andòrra (POCTEFA 2021-2027). Er objectiu deth POCTEFA ei reforçar era integracion economica e sociau dera zòna fronterèra Espanha-França-Andòrra.

Vielha, 21 de junhsèga 2026