• Era equipa de Badalona se trape ena Val d’Aran en tot realizar er stage de pretemporada.

• Era plantilha e eth còs tecnic an estat arrecebudi peth sindic d’Aran, Carlos Barrera, e peth conselhèr de Governacion, Frances Medan.

Eth sindic d’Aran, Carlos Barrera, e eth conselhèr de Governacion d’Aran, Frances Medan, an arrecebut ara equipa dera Liga ACB de basquet: Divina Seguros Joventut qu’ei concentrat ena Val d’Aran en tot realizar un stage de preparacion entara pròplèu sason 2016-17 que començarà en mes d’octobre.

Era equipa verda-e-nera realize dues sessions jornalières de trabalh en Palai d’Espòrts de Vielha a on combinen exercicis de fòrça e resisténcia, atau coma jornades de trabalh tecnic e tactic. Tanben realizen corses contunhades per Vielha.

Barraràn er stage damb eth cincau partit dera pretemporada contra eth Dominion Bilbao Basket, que se disputarà deman diuendres, 16 de seteme, enes Borges Blanques (20:15 ores).

Segons a explicat er entrenador deth Divina Seguros Joventut, Diego Ocampo, “afrontam aguest stage coma ua etapa clau der inici de cors entà arribar ath cent per cent ath prumèr partit dera Liga Endesa”.

Pera sua part, eth sindic d’Aran, Carlos Barrera, a arregraït qu’era equipa age escuelhut era Val d’Aran entà realizar er stage de pretemporada e les a desirat fòrça exits entara pròplèu sason.

Vielha, 15 de seteme de 2016

Conselh Generau d’Aran: Núria Sanjuan