Eth sindic rep ath president deth Senat en Conselh Generau d’Aran

  • Pendent era visita de Manuel Cruz entà Aran eth sindic Boya a reivindicat qu’era Constitucion espanhòla reconeishe era singularitat deth nòste territòri

Eth president deth Senat espanhòu, Manuel Cruz, a visitat aué era Val d’Aran. Pendent era sua visita, a estat recebut peth sindic d’Aran, Francés Boya, e d’auti membres deth govèrn aranés ena sedença deth Conselh Generau d’Aran.

Pendent aguesta trobada, eth sindic d’Aran a profitat entà reclamar “eth reconeishement dera singularitat dera  Val d’Aran laguens dera Constitucion espanhòla”.

Eth president deth Senat a podut conéisher de mès a pròp es particularitats d’Aran dera man des maxims representants deth govèrn aranés, qu’an podut apropar-li es preocupacions presents deth nòste país.

Comments are closed.