Eth XXI Memoriau Montse Corominas decidís era seleccion des participaires ena Dusau Fasa de Copa Espanha

En CEVA son: Isabella González, Andrea Rodríguez, Víctor Bultó, Sete Cubillo, Nico Meire, Eugenia Brotons, Guille Meire e Hugo Soler-Duffo.

Vielha, 26 de hereuèr de 2019.- Eth Club CEVA a artenhut ua naua capitada damb era organizacion dera XXI edicion deth Trofèu Memoriau Montse Corominas qu’an participat mès de 150 esquiaires aguesta dimenjada en Beret. Ad aguesta capitada d’organizacion cau somar-li es boni resultats artenhudi pes esportistes deth club enes dus dies de competicion. Era carrèra a servit entà acabar de decidir era seleccion des participaires ena Dusau Fasa de Copa Espanha qu’en cas deth CEVA an estat 8 es corredors seleccionadi:

  1. Isabella González.
  2. Andrea Rodríguez.
  3. Víctor Bultó.
  4. Sete Cubillo.
  5. Nico Meire.
  6. Eugenia Brotons.
  7. Guille Meire.
  8. Hugo Soler-Duffo.

Ena edicion 2019 deth Trofèu Memoriau Montse Corominas Lliga Catalana U14, Isabella González Barot deth Club CEVA artenhec pujar ath pòdium damb era 3au posicion en SL U14 dames deth dissabte qu’Andrea Rodríguez Elosegui acabèc en era 10au posicion. Eth dimenge en Gigant U14 Isabella González acabèc en 5au posicion e era sua companha Andrea Rodríguez acabèc en 9au posicion. Pera sua part Nicolás Meire García acabèc 5au e Alfonso Cubillo Goytre 6au en Slalom U14 masculin disputat eth dissabte. En Gigant deth dimenge Nicolás Meire siguec 7au.

Victòries de Margarita Brotons e Ignacio Ibarbia en 11au Trofèu GER U12 de Boí

Es melhors resultats dera dimenjada entath CEVA arribèren dera man des U12 deth club en 11au Trofèu GER U12 de Boí damb es victòries de Margarita Brotons Batista e d’Ignacio Ibarbia Urlezaga en Gigant. Cau destacar era 5au posicion de Diego Arriola Andoaga e era 10au d’Erika Ferret Pérez deth Club CEVA ena madeisha competicion.

En çò que tanh ath rèste de competicions dera dimenjada enes qu’an participat es corredors e corredores deth Club CEVA cau destacar era 3au posicion artenhuda per Aran Clotet, compausanta deth CETEI Val d’Aran (Centre de Tecnificacion d’Espòrts d’Iuèrn) en Slalom des Campionats d’Espanha sub 18, atau coma Dani Larriu deth Club CEVA e tanben deth CETEI Val d’Aran qu’artenhec era 3au posicion en SL sub 18 masculin. Pera sua part Gaizka Loiola e eth sòn guida Dani Gavaldà deth CEVA s’aucèren damb era 3au plaça deth pòdium en Slalom de Alto Campoo. En aguest sens cau destacar que Gaizka a estat apartat gaireben tres ans dera nauta competicion pes lesions, damb çò qu’aguest resultat li anime a seguir en tot préner confidança entàs pròplèus pròves.

Info e fotos : Club CEVA

Fotos Memoriau Montse Corominas : Fototur

Comments are closed.