Era concentracion s’a amiat a tèrme ena estacion e en CAR de Sierra Nevada.
Eth Centre de Naut Rendiment d’Espòrts d’Iuèrn Adaptat (CDIA) ei un centre de naut rendiment, deteccion de talents, tecnificacion d’esportistes e formacion de tecnics esportius especialistes enes espòrts d’iuèrn entà persones des Federacions Espanhòles de Discapacitats Fisics e Paralisi Cerebral.
Pendent era passada setmana se desvolopèc ua activitat damb joenes promeses der esquí aupin nacionau adaptat a on se meteren en comun damb esportistes e entrenadors es linhes de trabalh a nivèu tecnic, de preparacion fisica, d’aspèctes psicologics, eca.
Pendent aguesta setmana es esquiaires an compartit damb es entrenadors dera Equipa Nacionau un plan de preparacion, a on an pogut avalorar toti es aspèctes der esquí de naut nivèu.
Maria Martin, Audry Pascual e Miguel Gutierrez an estat uns des esportistes que pendent aguesta sason an trabalhat en programa de deteccion de talents damb er objectiu de, en un futur, poder formar part des Equipes Nacionaus.
Eth Centre de Naut Rendiment d’Espòrts d’Iuèrn Adaptat (CDIA) ei un centre de naut rendiment, deteccion de talents, tecnificacion d’esportistes e formacion de tecnics esportius especialistes enes espòrts d’iuèrn entà persones des Federacions Espanhòles de Discapacitats Fisics e Paralisi Cerebral.
Gràcies as sòns patrocinadors, institucions e collaboradors: era Fundación Repsol, eth Consejo Superior de Deportes, eth Comité Paralímpico Español, eth Conselh Generau d’Aran, era Deputacion de Lleida, Ajuntament de Naut Aran, Consell Català de l’Esport e damb era collaboracion d’Elan Esquís, Medilast, Mountain Padel Gim e Iberian Sportech entre d’auti, amien a tèrme cada an un trabalh multidireccionau que preten hèr arribar es espòrts d’iuèrn adaptat a totes es persones damb discapacitat e hèr possible as melhors arribar a apartier ara Equipa Nacionau e hèr concurréncia ath maximal nivèu internacionau.
Es sòns programes esportius van des dera tecnificacion ath naut rendiment, ath que se somen activitats de promocion der espòrt entà toti, hemna e espòrt adaptat, deteccion e formacion de talents e organizacion de competicions nacionaus.
Vielha, 12 d’abriu de 2016
Conselh Generau d’Aran: Núria Sanjuan
Hònt: CDIA