Finalizen es òbres dera prumèra fase de melhora dera carretèra d’accès a Mont e Montcorbau

Vielha, 3 d’agost de 2018.- Eth Conselh Generau d’Aran a finalizat aguesta setmana es òbres dera prumèra fase de melhora e condicionament dera carretèra d’accès enes pòbles de Mont e Montcorbau.

Es òbres an consistit en aishamplament deth vial que ges des dera madeisha rotonda de Vilac e er aishamplament dera carretèra enquiath horcadís deth pòble de Mont, pr’amor qu’en aguest punt era carretèra presentaue eth traçat e es amplades originaus, damb ues condicions de servici que non èren adaptades as besonhs de mobilitat actuau.

Era carretèra a mantengut eth transit restringit pendent tres dies e se redaurirà aué entàs 19 ores un còp finalizat es trabalhs.

Eth Conselh Generau d’Aran a destinat 264.468€ ad aguesta prumèra fasa de melhora dera carretèra, en tram que va des dera rotonda de Vilac tara N-230 enquiath horcadís der accès a Mont.

Comments are closed.