• Mès de 700 nadadors gaudiren eth passat dissabte, 2 de junhsèga, des aigües e dera grana riquesa marina dera Costa Brava

Eth passat dissabte, 2 de junhsèga, se realizèc era 5au MARNATON eDreams Sant Feliu de Guíxols, tresau pròva deth calendari de rèptes en mar dubèrta dera Vau Copa MARNATON eDreams. Ua mar perfècta siguec er scenari ideau entà projectar un recorregut mès apròp dera còsta e perméter as 700 nadadors des 2 trauèsses nadar apròp des ròques, en tot observar era grana riquesa marina der entorn dera Costa Brava. Ua trauèssa que compdèc damb era participacion deth club aranés de natacion: CAVA SWIM TEAM.

Jana Ros, finalizèc 8au en 1.500m, ath temps qu’en 6.000m Montse Cuixart, finalizèc 4au e Harold Pi, 11au.

Era MARNATON Kids, siguec tot un èxit de participacion damb 70 mainatges e mainades que gaudiren en tot nadar ena mar.

Ara arribada, toti es nedadors gaudiren dera ja tradicionau Butifarrada. Era ocasion perfècta entà reposar fòrces e finalizar era jornada toti amassa.

Vielha, 6 de junhsèga de 2016

Conselh Generau d’Aran: Núria Sanjuan

Hònt e Fotos: CAVA SWIM TEAM e MARNATON