Eth Departament d’Agricultura, Ramaderia, Pesca, Alimentacion e Miei Naturau amassa damb eth Conselh Generau d’Aran e en marc deth PATT, s’a organizat aguesta jornada entad aguest dimèrcles, dia 11 de junh, damb era volontat de méter a disposicion de toti es interessadi es perspectives deth coitiu dera poma en zònes de montanha.
En tot atier era evolucion d’aguest coitiu, resulte mès que significatiu coma se place era poma de montanha enes mercats internacionaus e es sues possibilitats. Pera quau causa e damb era volontat de contribuïr a mantier era estructura agrària e era melhora dera renda deth sector, aguesta jornada de transferéncia tecnologica va mès que mès dirigida as agricultors de montanha.
Eth madeish dia dera Jornada, dimèrcles, dia 11 de junh, tanben se presentarà eth Plan de biodiversitat cultivada, que des deth DAAM impulse era recuperacion de varietats tradicionaus.
Era jornada ei gratuïta mès cau inscríuer-se prèviaments a trauès deth Departament d’Agricultura e Ramaderia deth Conselh Generau, (Judit Jaquet; Tel. 973 641 801)
Tanben vos podetz inscríuer a trauès deth servici de Preinscripcions a jornades
deth PATT deth portau RuralCat: www.ruralcat.net/preinscripcionspatt
PROGRAMA JORNADA TECNICA. 11 DE JUNH:
10.30 h Inscripcions e liurament dera documentacion
10.45 h Inauguracion dera Jornada
– Miquel Molins Elizalde, director generau d’Agricultura e Ramaderia deth DAAM.
– Carlos Barrera Sánchez, sindic d’Aran.
11.00 h Era produccion de poma enes zònes de montanha: caracteristiques deth coitiu, estat actuau e perspectives
– Dr. Ignasi Iglesias Castellarnau, responsable deth programa d’Avaloracion de naues varietats der IRTA.
12.00 h Pausa
12.30 h Coma afrontar eth coitiu dera pomera? Ua experiéncia practica
– Núria Fontanet Colell, cap der Airau de servicis agricòles dera oficina Comarcau deth DAAM ena Cerdanya.
13.15 h Presentacion deth Plan de biodiversitat cultivada. Recuperacion varietats tradicionaus
– Joan Gòdia Tresànchez, sosdirector generau d’Agricultura, DAAM.
14.00 h Clausura dera Jornada
– José Enrique Arró Cuny, conselhèr d’Agricultura, Ramaderia e Miei Naturau.