Vielha, 14 de junh de 2019.- Eth passat 23 de mai debanèc ena glèisa de Mijaran era hèsta de graduacion des alumnes de 2au de Bachelierat, e entre eri, es esportistes deth Centre Especializat de Tecnificacion d’Espòrts d’Iuèrn (CETEI) Val d’Aran:

Ana Vidaor, Cristina Sentís, Jordi Beascoechea, Aran Clotet, Jordi Costa, Guillem Bosch e Martina Krattli.

Des deth CETEI Val d’Aran volem arregraïr er esfòrç e compromís des esportistes que pendent dus ans an amiat a tèrme laguens era estructura dera Tecnificacion d’Esquí Aupin.

Dar-les es felicitacions e desirar-les un gran succès enes pròves de selectivitat.

Damb aguesta generacion eth CETEI Val d’Aran barre ua naua sason de formacion en carrèra dual, en tot promòir es objectius esportius e academics.