Hèira dera oelha aranesa, X concors morfologic e 1èr concors de chòla d’oelha aranesa

Vielha, 15 de mai de 2016.- Aguest dimenge s’a celebrat era hèira dera oelha aranesa, eth X concors morfologic dera raça e eth 1èr concors de chòla a man e a maquina, organizada per ACORA, era associacion de criadors d’ovin de raça aranesa, damb era collaboracion deth Conselh Generau d’Aran e der Ajuntament de Vielha e Mijaran.

Era hèira ara que i assistic un nombrós public pendent tot eth maitin, a compdat tanben damb era exposicion d’oelhes araneses e de mascles selectes, jòcs infantils, e ua demostracion de talh de troncs en diuèrses modalitats.

Era oelha dera Val d’Aran, considerada de proteccion especiau per trobar-se en perilh d’escandilhament, destaque peth sòn gran potenciau càrnic, pes sues potentes encornadures e tanben pera qualitat dera sua lan, fòrça cotizada entre es mestieraus. Actuauments, ues 30 ramaderies, se dediquen ara sua creatura, e amassen un cens de 1.911 efectius (1.836 femelhes e 75 mascles).

Resultats deth concors morfologic oelha aranesa.

Categoría Ovelles.