Jo Recicli, era app que facilite era remassada de carton entre es comèrci!

Eth govèrn deth Conselh Generau d’Aran a creat era aplicacion Jo Recicli entà facilitar era remassada pòrta a pòrta dera fraccion deth carton entre es establiments comerciaus deth territòri. Per miei d’aguesta aplicación, es comèrci dera Val d’Aran registradi pòden generar ua alarma, laguens der orari establit, entà qu’eth servici de remassada de lordères s’empòrte aguesta fraccion.

Es oraris de generacion d’alarmes de recuelhuda de carton en Vielha e Mijaran son de deluns a diuendres de 8:00 a 11:00 ores pendent tot er an, en Naut Aran es dijaus de 8:00 a 13:00 ores pendent era sason d’iuèrn, e enes municipis deth Baish Aran es diuendres de 8:00 a 13:00 pendent tot er an. Sonque se pòt generar ua alarma ath dia per comèrç e laguens der orari.

Descarga-te Jo Recicli!