Joan Garriga ei un des fondadors der lnstitut Gestalt de Barcelona.

Siguec eth prumèr en portar a Espanha a Bert Hellinger, eth creador des Constellacions Familhars e impartís formacions de Constellacions per tota Espanha, e talhèrs d’encastre internacionau.

Aguesta pròplèu dimenjada, 6 e 7 de deseme, eth psicològ umanista e sòci fundador der Institut Gestalt de Barcelona, Joan Garriga, realizarà ua charrada e presentarà eth sòn darrèr libre “La llave de la buena vida” en Espai Terapeutic REN (Aneto 4 / Av. Pas d´Arró 25. Vielha).

Eth dissabte 6, tàs 19:00 ores, Joan Garriga presentarà eth sòn darrèr libre “La llave de la buena vida”, en qué damb dera sua ampla experiéncia coma terapeuta mos illumine en intent de víuer pleaments en un mon complèx. Damb açò, s’artenh era bona vida: èster capables de préner e deishar anar damb alegria aquerò qu’era vida a reservat entà nosati, o, “saber guanhar sense perder-se a un madeish e saber pèrder en tot guanhar-se a un madeish”.

Eth dimenge 7, de 10:00 a 19.30 ores, Garriga amiarà a tèrme un talhèr monografic sus es Constellacions Familhars. En aguest trabalh s’artenh, en un temps brèu, comprenences fòrça clares sus es dinamiques e implicacions familhars que mantien es problèmes e se desvolòpen importants movements de solucion.