Vielha, 9 de mai de 2018.- Eth pròplèu dimars dia 15 de mai, se realizarà en Luchon ua jornada de Job dating (cites de trabalh) organizada amassa peth SOC (Servici d’Aucupacion de Catalonha) era Val d’Aran e eth Pôle d’Emploi de França, damb era collaboracion dera Escòla d’Ostalaria dera Val d’Aran e era UMIH (Union de Métiers et des Industries de l’Hòtellerie).

Er objectiu dera jornada ei favorir es oportunitats de trobar trabalh, tanben a nivèu transfronterièr, en sector dera ostalaria. Era jornada s’adrece a totes aqueres persones que cerquen trabalh pendent er ostiu en aguest sector productiu a un e er aute costat dera termièra.

Eth Job dating debanarà en Pabelhon Normand ath costat deth Casino de Luchon eth dimars dia 15 de mai des 09:00 as 12:00 ores.

Es persones interessades en contactar damb es diferentes enterpreses participaires que cerquen candidats e candidates entà corbir lòcs de trabalh auràn de portar eth sòn CV e poderàn accedir as entrevistes que s’amiaràn a tèrme pendent era jornada.

Entà mès informacion o quinsevolh tipe de consulta podetz contactar damb eth burèu deth SOC en Vielha en tot trucar ath T. 973 640 942