Kim Castells cedís en depòsit ath Conselh Generau d’Aran mès de 800 fotografies

DSC_0069

 

Eth sindic d’Aran, Carlos Barrera, e er autor fotografic, Kim Castells, an signat un contracte de cession documentau de mès de 800 fotografies dera Val d’Aran. Er acte a compdat tanben damb era preséncia de Jèp de Montoya, dera directora der Archiu Generau d’Aran, Maria Pau Gómez , dera tecnic de patrimòni deth Conselh Generau d’Aran, Elisa Ros,  e dera hemna de Kim Castells.

 

DSC_0042

 

Era documentacion forme part deth patrimòni documentau aranés, en concret documentacion fotografica dera que ei autor.

Kim Castells s’inicie coma autor fotografic en 1978 e publique eth sòn prumèr libre en 1981. Des d’alavetz e enquiar an 2012, damb aguest títol, ja son noranta es libres publicadi. En collaboracion damb autors literaris coma Josep Pla, Josep Maria de Sagarra, Joan Brossa, Lluís Racionero, Màrius Carol, Lluís Permanyer, Carme Riera, Baltasar Porcel, Miquel de Palol, Ana Puértolas, Xavier Benguerel, Lluís Carandell, José Antonio Labordeta, Mariano Gomá, Jèp de Montoya, Miquel Desclot, Salvat-Papasseit, Joan Bellmunt, Carlos Duarte, Raimon Panikkar e damb tèxtes de Gonzalo de Berceo, Kim Castells a contribuït a establir un lenguatge magic e de grana beresa, eth deth mot e era imatge. Dejà hè temps que hec realitat aqueth vielh lema de “escríuer damb lum” qu’ei eth significat etimologic deth tèrme fotografiar. Era òbra editada atau ac demòstre.

Kim Castells a manifestat era sua volentat de depausar es nomentats objèctes en Conselh Generau d’Aran, en tot crear eth Hons Documentau “KIM CASTELLS BENOSA”.

 

DSC_0063

 

Eth hons archivistic objècte d’aguest contracte serà depausat en Archiu Generau d’Aran, que se compromet a liurar a Kim Castells ua còpia der inventari detalhat deth hons qu’ei objècte deth present depòsit, un viatge sigue classificat e ordenat convenientament.

Eth Conselh Generau d’Aran poirà emplegar es fotografies entàs sues publicacions, exposicions e activitats pròpies deth Conselh en quinsevolh format e miei, damb era sua autoria, sense cap còst en concepte de drets d’autor tant qu’era cession ei activa.

 

 

 

 

Vielha, 19 d’abriu de 2017

 

Conselh Generau d’Aran: Núria Sanjuan

Comments are closed.