• Entà commemorar eth Dia Internacionau dera Hemna, pera egalitat d’oportunitats, eth Servici d’Informacion e Atencion ara Hemna (SIAH) deth Conselh Generau d’Aran a organizat diuèrsi actes
• 380 persones an participat ena 2au Corsa dera Hemna que s’a desvolopat per Vielha damb un recorrut de 5Km
Eth conselhèr de Salut e Benéster d’Aran, Eduardo Valdecantos, en tot liéger eth manifèst commemoratiu deth Dia dera Hemna.
Es Nacions Unides declarèren eth 8 de març coma Dia Internacionau des Hemnes, ua commemoracion que se celèbre per tot eth mon. Entà commemorar aguest dia, des deth Servici d’Informacion e Atencion ara Hemna (SIAH) deth Conselh Generau d’Aran s’organizèren diuèrsi actes, entre eri era 2au edicion dera Corsa dera Hemna que se realizèc eth dia 8 de març en Vielha e, a on participèren 380 persones.
Er acte compdèc, damb era preséncia deth conselhèr de Salut e Benèster d’Aran, Eduardo Valdecantos, qu’abantes de començar era corsa a liejut un manifèst en commemoracion ath dia dera Hemna.
Valdecantos, a manifestèc “des deth Govèrn d’Aran trebalham amassa per un mon en qué totes es hemnes e mainades poguen exercir es sues liberats e expectatives en totes es dimensions dera vida, sense excepcion. Per un trabalh igualitari, renauim ligams e revitalizem es compromisi, refortilham amassa era nòsta volentat politica damb dera participacion publica. Toti auem ua foncion qu’exercir entath ben comun” eth conselhèr Valdecantos soslinhèc “que toti es dies siguen 8 de març pr’amor qu’era igualtat non a d’èster ua valor desembrebada, se non un hèt normalizat”.
Membres organizadors deth Club Atletic Val d’Aran (CAVA)
Era corsa dera hemna ei possible gràcies ara ajuda e ar entosiasme deth Club Atletic Val d’Aran (CAVA), expèrts en mon der espòrt, damb era collaboracion der Ajuntament de Vielha e Mijaran, des Volentaris d’Aran, e der Institut Català de les Dones dera Generalitat de Catalonha.