Lhèida, 6 d’abriu de 2016.- Luís Carlos Medina, vicesindic d’Aran, a liurat a Esther García era reconeishença coma guanhadora deth prèmi deth dessenh deth logo deth 25au aniversari dera Associacion Antisida de Lhèida.

Eth vicesindic d’Aran e responsabla deth departament d’Administracion Publica, Finances e Coneishença e Transparéncia e deth departament d’Espòrts e Joenessa d’Aran, a hèt liurament deth prèmi, que consistís en un sojorn d’ua dimenjada ena Val d’Aran entà dues persones. Luís Carlos Medina e Esther García, an estat acompanhadi peth president dera Associacion Antisida de Lhèida, Joan Fibla.

Eth dessenh guanhador serà present en toti es actes qu’organize era Associacion Antisida de Lhèida damb motiu dera commemoracion deth sòn 25au aniversari pendent er an 2016.

Hònt e fotografies: Associació Antisida Lleida