Magnifics resultats des esquiaires deth Club CEVA

Iker Rodríguez guanhador deth SL en 13è Trofeu Espot Esquí Club ena categoria Interclub e 2au lòc entà Ignacio Arrieta en categoria U18 Ciutadans

Arrieta Rodríguez e Eugene Brotons 3aus ena 1èra Fasa dera Copa Espanha Audi U16 en Formigal

Es esquiaires deth Club CEVA an obtengut fòrça boni resultats enes desparières carrères celebrades aguesta dimenjada.

Es competicions comencèren eth darrèr dijaus ena estacion de Formigal a on se disputèc era 1èra Fasa dera Copa Espanha Audi U16, que Eugene Brotons artenhec era tresau plaça e Arrieta Rodríguez, dues quarts lòcs enes SG. Pera sua part Lluc Montes, acabèc en un meritòri 9au lòc.El sábado Arrieta Rodríguez sumó un nuevo podio para el Club CEVA, al acabar en 3ª posición en el SL de la 1ªFase de la Copa España U16, sumando así un gran resultado al obtenido el jueves.

Eth dissabte Arrieta Rodríguez somèc un nau pòdium entath Club CEVA, ar acabar en 3au posicion en SL dera 1èra Fasa dera Copa Espanha U16, en tot somar atau un gran resultat ar obtengut eth dijaus.

Es pòdiums d’Eugene e Arrieta les permeteren era classificacion entath 26è Trofeu Borrufa, competicion internacionau d’esquí entà esportistes de catorze a setze ans, qu’e comencec deluns 29 de gèr enquiath 1 de hereuèr en Vallnord (Andòrra) a on Arrieta Rodriguez a estat era prumèra espanhòla ena SL U16 ar arténher era 5au plaça ena prumèra jornada de competicion.

D’autra banda, Iker Rodríguez s’aucèc, dimenge, damb era victòria en SL deth 13è Trofeu Espot Club-Interclub, e  dissabte, siguèc Ignacio Arrieta qui pugèc ath dusau lòc deth pòdium ena categoria U18 Ciutadans. Pera sua part, Alejandro Arrieta, artenhec eth dissabte era 4au posicion en Gigant e era 5au eth dimenge. Era 13au edicion deth Trofeu Espot Esquí inauguraue eth Circuit Interclubs d’Esquí Aupin d’enguan.

 

Preparatius dera XXau edicion deth Tròfeu Memoriau Montse Corominas

 

En Club CEVA ei finalizan es preparatius dera XXau edicion deth Tròfeu Memoriau Montse Corominas, Campionats de Catalonha de Velocitat U14/16, que se disputarà en Baqueira Beret es pròplèus 3 e 4 de hereuèr.

Eth Tròfeu Memoriau Montse Corominas gaudís d’un gran prestigi ena organizacion de carrères pera sua qualitat e era dificultat enes pròves. Era carrèra se disputarà en Stadium de Beret que mos aufrirà ua dimenjada plia d’activitats ena Val d’Aran pera coïncidéncia deth Memoriau Montse Corominas damb era celebracion dera 39au edicion dera Marxa Beret.

Comments are closed.