• Aguest servici, dirigit as familhes damb mainatges e mainades d’entre 0 e 6 mesi e que s’aufrís de forma telematica totes es setmanes, constituís un espaci d’intervencion familhara a on compartir experiéncies e apréner era tecnica deth massatge infantil,

Eth Centre de Desvolopament Infantil e Atencion Precòç (CDIAP) dera Val d’Aran, amassa damb es lheuadors e lheuadores d’Aran Salut, aufrís eth servici “Massatge Amassa”.

“Massatge Amassa” ei un espaci d’intervencion familhara dirigit a familhes damb mainatjons d’entre 0 e 6 mesi, entà aufrir-les un ambient a on compartir es sues experiéncies sus era maternitat e era paternitat, ath viatge qu’aprenen era tecnica deth massatge infantil dera man deth personau sanitari d’Aran Salut e es professionaus deth CDIAP.

Aguest grop s’amasse un còp per semana, es dijaus de 12:30 a 13:30 ores. Pr’amor dera actuau situacion sanitària provocada pera COVID-19, es amassades dejà non se pòden realizar de forma presenciau, mès contunhen damb aguestes sessions via Teams e s’a creat tanben un grop de Whatsapp a on se compartissen vidèos en tot rebrembar era realizacion aguest tipe de massatge.