Missa d’accion de gràcies damb motiu dera declaracion dera glèisa dera Purificacion de Bossòst coma BCIN

BOSSOST_BCIN

 

Mossen Joseph Geethanfonkalan, rector dera Parròquia de Bossòst, oficièc eth passat dissabte, dia 21 de hereuèr, era missa d’accion de gràcies damb motiu dera declaracion dera glèisa Purificacion de Bossòst coma Ben Culturau d’Interès Nacionau (BCIN). Er acte compdèc damb era preséncia deth sindic d’Aran, Carlos Barrera, deth baile de Bossòst, Francisco Rodríguez, deth conselhèr de Territòri d’Aran, Eduardo Valdecantos, deth cap de Cultura, Patrimòni e Politica Lingüistica d’Aran, Jèp de Montoya, des conselhèrs deth Conselh Generau d’Aran, Amador Marqués e Francés X. Boya, deth president dera Acadèmia Aranesa dera Lengua Occitana, Jusèp Loís Sans, de membres der Institut d’Estudis Aranesi, e de tecnics en Patrimòni, Urbanisme e Servicis Juridics deth Conselh Generau d’Aran.

“Era glèisa dera Purificacion de Bossòst ei un des mielhors exemples dera arquitectura romanica aranesa deth sègle XII, ja qu’a conservat ua grana unitat estilistica e cronologica, ei un notable bastiment romanic damb planta basilicau de tres naus, coma acostume a èster abituau ena Val d’Aran, damb un campanau potent e estilizat ath madeish temps” soslinhèc Jèp de Montoya, cap de Cultura, Patrimòni e Politica Lingüistica d’Aran.

Comments are closed.