Vielha, 8 de hereuèr de 2019.- Musèus dera Val d’Aran ja premanís eth recitau dera 5au edicion deth Dia Internacionau dera Poesia eth pròplèu 21 de març as 22 ores e cerque volontaris entà participar-i.

Era net poetica tostemp ei ath torn d’un tèma centrau e consistís en un recitau de poesies acompanhades de pèces musicaus.

Damb eth lèma “Mos sobren poemes e mos manquen veus” es organizadors cerquen volontaris entà participar en recitau de poesia mès sonat dera Val d’Aran. Es persones interessades pòden contactar en tot picar ath 973 64 18 15 o en info.museu@aran.org.

Musèus dera Val d’Aran entara organizacion d’aguesta net compde damb era collaboracion der Archiu Generau d’Aran, er Airau de Politica Lingüistica deth Conselh Generau d’Aran, es bibliotèques municipaus de Vielha e Naut Aran, e es escòles de musica dera Val d’Aran.

Er acte aurà lòc ena recepcion deth Musèu dera Val d’Aran, eth dijaus 21 de març, as 22.00 ores.