Vielha, 26 d’octobre de 2017.- Era Val d’Aran e Baqueira Beret an començat aguesta setmana ua gira per diferentes ciutats espanhòles entà presentar es novetats dera sason d’iuèrn.

A compdar deth 23 d’octobre Torisme Val d’Aran e Baqueira Beret visitaràn 19 ciutats entà presentar es novetats dera sason 2017/2018.

Enes presentacions, ath delà de hèr a conéisher tota era aufèrta dera estacion d’esquí e de tot çò que pòt aufrir era Val d’Aran en sòn conjunt, es assistents poderàn guanhar forfets, sojorns complèts, dimenjades, corsi d’esquí , materiau Salomon, ath delà de provar ua excellenta seleccion de productes dera Val d’Aran.

Es presentacions seràn des 18 a 21 ores enes següents ciutats:

Octobre 23, Burgos, Hotel NH Collection Palacio de Burgos.

Octobre 24, Valladolid, Sercotel Felipe IV.

Octobre 25, León, Hotel Conde Luna.

Octobre 26, La Corunya, Hotel NH Collection La Corunya Finisterre.

Octobre 28, Oviedo, AC Hotel Oviedo Fòrum.

Octobre 30, Santander, Gran Hotel Sardinero.

Octobre 31, Bilbao, Hotel Carlton.

Noveme 2, Vitòria, Hotel NH Canciller Ayala.

Noveme 3, San Sebastian, Hotel Maria Cristina Luxury Collection.

Noveme 6, Pamplona, ​​Hotel Tres Reyes.

09-11 noveme, Barcelona, ​​Illa Diagonal, de 10 a 21h.

Noveme 7, Saragossa, Hotel Silken Reino de Aragón.

Noveme 11 i 12, Reus, Fira de Reus.

Noveme 13, Girona, Hotel Carlemany.

Noveme 14, Lleida, Hotel NH Lleida Pirineos.

16-18 noveme, Madrid, Platea (C / Goya, 5-7) de 12 a 22h.

Noveme 20, Palma Mallorca, Hotel Tryp Palma Bellver.

Noveme 21, Alacant, Hotel Spa Porta Maris.

Noveme 22, València, SH València Palace.

Era conselhèra de Torisme e Desvolopament Economic d’Aran, Anna Díaz, soslinhe que “Baqueira Beret contunhe en tot èster un an mès eth principau reclam dera sason d’iuèrn ena Val d’Aran e per açò s’amie a tèrme aguesta gira de presentacion conjunta, mès era Val d’Aran ei fòrça mès que nhèu, e aguesta campanha ei era melhora manèra de hèr a conéisher tot çò qu’era Val d’Aran pòt aufrir, que son fòrça causes”.

Aguesta sason Baqueira Beret aufrís 157 km esquiables (152 km son de pistes senhalizades e 5 km d’itineraris dehòra de pista) en sòn domini repartit entre era Val d’Aran e es Vals d’Àneu. Un ample domini esquiable de 2.166 Ha. damb 35 remontadors e ua capacitat totau de 60.114 persones/ora.

Baqueira Beret a previst començar era sason eth 25 de noveme de 2017 e finalizar-la eth 8 d’abriu de 2018.