Passi a realizar entara comunicacion de huècs entà léser o cremades de rèstes agricòles
- Emplir e signar eth formulari
- Enviar eth formulari mejançant era Sedença electrónica deth Conselh Generau d’Aran
Normativa de Referéncia
Es activitats damb risc d’incendi an d’èster comunicades o autorizades en Departament de Territòri Paisatge e Cambi climatic deth Conselh Generau d’Aran en foncion dera distància ara massa forestau, eth volum des rèstes vegetaus, eth periòde en que se volguen realizar e eth tipe d’activitat.
Era entrada en vigor dera la Llei 7/2022, de 8 d’abril, de residus i sòls contaminats per a una economia circular (BOE núm. 85, de 9.4.2022) proïbís cremar rèstes vegetaus (forestaus, agricòles o de jardineria) e declare que sonque poderàn cremar rèstes vegetaus agricòles es microexplotacions o petites explotacions agràries [explotacions subjèctes ara Declaracion agrària (DUN) o ath Registre d’operadors professionaus de vegetaus (ROPVEG)].
D’acòrd damb eth Reglament de gestion sostenible deth huec en terren forestau e interfase urbana en territòri d’Aran, s’establisen 3 periòdes de risc e restriccions entà hèr huec:
-
Baish: der 1 de març enquiath 31 de mai.
-
Mejan: der 1 de junh enquiath 30 de noveme
-
Naut: der 1 de deseme enquiath 28 de hereuèr
A efèctes de gestion, execucion e autorizacion, era utilizacion controlada deth huec se classifique en 5 nivèus des quaus podem destacar:
-
Nivèu 1: Huecs de dimensions redusides; volum aproximat de 6m3 (3x2x1 m)
-
Nivèu 2: Huecs de dimensions mejanes; volum d’entre 6 e 100 m3 (6x6x3 m)
Comunicacion de huec de léser o cremades de vegetacion agrària en explotacions agràries
En quinsevolh des tres periòdes, baish, mejan e naut:
-
S’autorizen es següentes activitats sense procediment administratiu, a on era persona sollicitanta aurà de presentar ua declaracion responsabla d’activitat enes servicis de Miei Ambient.
-
Huecs de léser de dimensions redusides (<6m3)
-
Utilizar bohaders o similars en òbres apròp de terrens forestaus
-
- Cau autorizacion exprèssa e excepcionau deth conselhèr competent en matèria de Miei Ambient, damb er informe preliminar des Agents de Miei Ambient deth Conselh Generau d’Aran entà realizar: