S’as entre 16 e 21 ans, NON as eth títol deth graduat escolar mès as ganes de formar-te en bèra profession, entrar en mon laborau o aumentar es tues possibilitats de contunhar era formacion professionau en un grad miei, te pòdes inscríuer en Programa de formacion e insercion deth PTT VAL D’ARAN.

Eth nòste perfil ei d’AUXILIAR EN VENTES, BURÈU E ATENCION ATH PUBLIC. Arreceberàs formacion professionau en airau deth comèrç: atencion ath client, empaquetat, magasèm, ofimatica e tecniques administratives basiques, entre d’autes, e poderàs aplicà’c e contunhar en tot apréner a trauès des practiques era enterpresa.

Ath delà auràs era oportunitat de meter-te ath dia damb contenguts basics coma es matematiques, es lengües e era coneishença der entorn, que te permeteràn senter-te mès competent en aguesti airaus e obtier facilitats entà aprovar era pròva d’accès a Cicles Formatius de Grad Mejan, en cas de voler contunhar era formacion professionau.

Era durada ei d’un cors escolar (1.000h), un an entà profitar ath maximal!
Es preinscripcions seràn era 2au quinzea de mai.

Entà quinsevolh dobte o mès informacion mos trobaràs en:

CFA Val d’Aran o en telefòn 973 64 13 64 (demana per Neus Canals)

Preinscripcions deth 17 ath 27 de mai de 2016 (ambdús includidi)

Vielha, 6 de mai de 2016

Conselh Generau d’Aran: Núria Sanjuan

Hònt: Neus Canals