Deth 17 ath 19 d’abriu se celebrèren en Sierra Nevada es Campionats d’Espanha d’esquí aupin entàs categories u16 e u14.

Pòdis des aranesi: Peir Cónsul (CAEI), Carmela Olmo (CAEI), Marc Montes (CEVA) e Octavi Aris (CAEI)

Carmela Olmo, tresaua classificada en Campionat d’Espanha (categoria U16). Foto: FCEH

Eth prumèr dia de competicion d’aguesti Campionats d’Espanha d’esquí aupin u14 e u16 se celebrèc era pròva de Supèr Giganta. Ena u16 masculin destacam eth pòdi artenhut per aranés, Marc Montes, deth CEVA, que se proclamèc subcampió. Per çò qu’ei deth pòde u16 femenin, destacar ara esportista aranesa deth CAEI, Carmela Olmo, qu’artenhèc era 3au posicion. Ena u14 masculin, destacar ar aranés, Octavi Aris, deth CAEI, que se proclamèc subcampion d’Espanha. Ena u14 femenin eth pòdi destacat siguec era dusau posicion de Lisa Vallcorba deth CEVA.

Eth dusau dia de competicion se celebrèc era pròva de Giganta. Ena u16 masculin, er esportista aranés, Marc Montes, deth CEVA, se proclamèc 3au classificat d’Espanha dera disciplina. Ena u14 femenin, dus des 3 lòcs deth pòdi sigueren entà esportistes catalanes. Carlota Pomes deth CAEI e Jana Suau, se proclamèren subcampiona d’Espanha e 3au classificada, respectivaments.

Peir Cónsul, tresau classificat en Campionat d’Espanha (categoria U14). FOTO: FCEH

Eth tresau e darrèr dia de competicion se celebrèc er Eslalom, per çò qu’ei deth classament dera combinada (SG + SL), era aranesa deth CAEI, Carmela Olmo, obtenguec era 3au posicion en hemnes u16. Ena u14, destacar ar aranés deth CAEI, Peir Cónsul, que se proclamèc 3au classificat d’Espanha. Alvaro Chalbaud, deth CAEI, siguec eth prumèr. Ena combinada femenina, Ana Vidaor deth CAEI, se proclamèc campiona d’Espanha.