Presentacion deth DVD dera pellicula “Aguestes montanhes” eth documentau sus era istòria de Baqueira Beret

• Deman diuendres, 18 de deseme, entàs 16:00 ores se presentarà ena Audiovisuau de Vielha eth DVD dera pellicula ”Aguestes Montanhes- Istòries de Baqueira”.

• Eth DVD se presente damb sostitols e serà un bon regal tad aguest Nadau.

Dempús dera grana acuelhuda ena presentacion deth documentau ar inici de sason, deman diuendres, 18 de deseme, entàs 16:00 ores se presentarà ena Audiovisuau de Vielha eth DVD dera pellicula ”Aguestes Montanhes- Istòries de Baqueira”. Aguesta projeccion en cinèma de Vielha ei ua bona oportunitat entà gaudir dera pellicula damb toti es matisi.

“Aguestes Monthanes-Istòries de Baqueira”, d’Ivó Vinuesa e Manel Rocher ei ua pellicula documentau a on 62 personatges entrevistadi bastissen eth hiu argumentau en tot hèr un recorregut pes diuèrses besants istoriques de Baqueira, des dera passion per esquí enquiàs interèssi politics e economics.

“Aguestes Monthanes-Istòries de Baqueira”, ei un documentau filmat e produsit pendent aguest 2015, er an dera celebracion deth 50 anniversari dera estacion d’esquí. Eth trabalh combine ua importanta seleccion de materiau d’archiu documentau e fotografic, era grana part inedit, damb imatges actuaus de Baqueira e dera Val d’Aran.

Es vesins e visitants dera Val d’Aran poderàn hèr un recorregut pera istòria recenta d’aguest endret des Pirenèus dera man des sòns protagonistes, es persones que forjèren era estacion d’esquí.

Ficha tecnica

AGUESTES MONTANHES

These Mountains

Istòries de Baqueira

Ua produccion de Comet Films e PyrenMuseu

Un documentau d’Ivó Vinuesa e Manel Rocher

Damb eth supòrt de: Ajuntament de Naut Aran – Baqueira Beret SA

E era collaboracion de: Conselh Generau d’Aran – Diputació de Lleida – Fundacion Jesús Serra

Idea originau: Manel Rocher

Direccion e guion: Ivó Vinuesa

Produccion executiva: Manel Rocher

Direccion de fotografia: Christian Moyes